Almanya, ji bo mexdûrên erdhejê alîkariyeke mezin disîne

PeyamaKurd- Berdevkê Wezareta Karên Navxweyî ya Almanyayê Maximilian Kall ragihand ku ji bo kesên ku ji ber erdhejên 7,7 û 7,6 pileyên rîxterê yên li Mereş bûn û bandora xwe li 10 parêzgehan kirin, dê bi dehan ton alavên alîkariya mirovî dişîne.

Maximilian Kall, di civîna çapemeniyê ya ku li Berlînê hat lidarxistin de diyar kir ku ew ji bo alîkariya mexdûrên erdhejê, bi AFADê re di nav têkiliyan de ne.

Kall bal kişand ser piştevaniya Almanyayê ya bi Tirkiyeyê re ku piştî erdhejê çêbû û diyar kir ku Ajansa Alîkariya Teknîkî ya Federal, îro danê sibehê bi 50 personel û 4 kûçikan ku pisporê felaketên erdhejê bûn û gelek operasyon li dar xistin, gihîşt herêmê.

Her wiha Kall da zanîn ku 25 efser ku 3 bijîjk, 17 pizîşk û 5 jî xwediyê kûçikan li Tirkiyeyê bi kûçikan re ne û diyar kir ku ew ê dest bi şandina alavên alîkariyê yên wekî kon, torbeyên razanê, betanî, nivînên kampê, germahî û jeneratoran bikin û diyar kir ku ew ê ji aliyê THWyê ve bên amadekirin.

Kall destnîşan kir ku niha 82 ton alavên ku bi giştî bi qasî 1 milyon euro ye rasterast tên veqetandin û ev alav dê ji aliyê hêzên çekdar ên Almanyayê ve bên pakkirin û şandin herêmê.

Berdevk Kall diyar kir ku gelek saziyên alîkariyê û tîmên agirkujiyê  li welêt diyar kirin ku ew ê alîkariyê bidin û piştgirî ji dewlet û şexsan tê û divê ev bi awayekî herî baş bigihîjin Tirkiye û Suriyeyê.