Daxuyaniya agirbestê ji serokwezîrê Almanyayê
PeyamaKurd – Şêwirmendê Almanyayê Olaf Scholz diyar kir, ew daxwaza cîhana Ereb û Îslamê ya agirbestê yan jî rawestana dirêj a li Xezzeyê guncaw nabînin.
Olaf Scholz di çalakiya ku ji aliyê rojnameya Heîlbronner Stîme ve hat lidarxistin de derbarê rewşa dawî ya li Xezzeyê de daxuyanî da.
Scholz bal kişand ser banga agirbestê ya alema Ereb û Îslamê û wiha got: "Ez rast nabînim ku daxwaza agirbesteke lezgîn an jî rawestana dirêj (li Xezzeyê) bê kirin. Ji ber ku ev tê wê wateyê ku divê Îsraîl rê bide Hamasê ku ji nû ve vegere. Hamas wê dîsa moşekan biavêje. Divê destûr neyê dayîn ku çêbibe û êrîş bike."
Serokwezîra Almanyayê bal kişand ser wê yekê, ew di wê baweriyê de ne ku çareseriya du dewletî hê jî mimkun e û destnîşan kir, divê perspektîfek vê yekê pêk bîne hebe.
Scholz got: "Heke hûn hawirdorek aştiyek mayînde dixwazin, divê hûn îhtîmala dewletek Fîlîstînî ya ku ji bo Îsraîlê tehdîd nake bixwazin."
Siyasetmedarê ji Partiya Sosyal Demokrat (SPD) Scholz eşkere kir, ew difikirin, ger li Ûkraynayê her tişt baş bimeşin, wê Serokê Rûsyayê Vladîmîr Pûtîn bi ser nekeve û got:
“Eger Ukrayna îlhaq nebe, (Pûtîn) divê peymanek îmze bike ku wê serweriya Ukraynayê biparêze û divê bêje ez vê yekê ji bo pêşerojê qebûl dikim. Lê di vê rewşê de, divê hûn dem bi dem bi wî (Pûtîn) re biaxivin, ku min berê kiriye û ez ê di pêşerojê de jî bikim. Ji bo danûstandinên di navbera Ukrayna û Rûsyayê de, pêwîst e Rûsya gaveke bibiryar bavêje û ev jî tê wateya vekişandina hêzên xwe û heta niha ew amade ne vê yekê bike."