Herzog: Îsraîl ji agirbesta ‘navbera mirovî’ re amade ye!

PeyamaKurd – Serokomarê Îsraîlê Isaac Herzog, ragihand ku Îsraîl ji ragihandina agirbesta navbera mirovî ya nû re amade ye.

Serokomarê Îsraîlê dîlên Îsraîlî yên di destê Hemasê de ne bi bîr xist û got, "Ji bo berdana dîlan, Îsraîl ji navbereke mirovî ya nû re amade ye.”

Herzog di civîna ligel balyozên welatan de diyar kir ku ji bo gihandina alîkariyên zêdetir bo Xezzeyê û rizgarkirina dîlan ji destê Hemasê, ew ji agirbestê re amade ne.

Herzog herwiha da zanîn ku berpirsiyarî bi temamî li ser berpirsên Hemasê Yehya Sînwar û lîdêrên wê yên din e.