Ji Trump hişyariya Îranê: Hûnê di nav 10 rojan hîn bibin
PeyamaKurd- Serokê Amerîkayê Donald Trump, di civîna yekem a Desteya Aştiyê ya Xezeyê de daxuyaniyên girîng dan û bal kişand ser pêwendiyên bi Îranê re û hişyarî da.
Trump diyar kir, dibe ku ew gaveke din bi pêş de bavêjin an jî peymanekê pêk bînin û diyar kir: "Dibe ku di nav 10 rojên pêş de hûn encama vê hîn bibin."
Serokê Amerîkayê destnîşan kir ku heya niha wan heşt şer bi dawî kirine û bawer dike yê nehemîn jî di rê de ye.
Herwiha Trump di berdewama axaftina xwe de peyamên tund da rejîma Tehranê û dubare kir ku nabe Îran bibe xwediyê çekên nukleerî û wî ev mijar bi awayekî zelal ji rayedarên Îranê re ragihandiye.
Trump got: "Hin karên me yên ku divê em bi Îranê re bikin hene. Divê em peymaneke watedar bikin, nexwe dê tiştên xirab biqewimin."