Li eyaleta Kirman a Îranê erdhej çêbû

PeyamaKurd – Navenda Lêkolînên Sîsmolojî ya Zanîngeha Tehranê ragihand ku li eyaleta Kirmanê bi hêza 5 pileyan erdhejekê rû daye.

Hate diyarkirin ku erdhej li demjimêr 14:47’an, di kûrahiya 8 kîlometran de li bajarê Hocedk ê Kirmanê çêbûye.

Heyva Sor a Îranê jî piştî erdhejê ragihand, ji bo tespîtkirina ziyan û xisaran tîmên hawarçûnê bi rê ketine û heta niha ti agahiyên mirin û birîndarbûnê nehatine.