Li Girtîgeha Silîvrî ya Tirkiyê 44 girtî bi koronayê ketin

PeyamaKurd - Li beşeke girtîgeha Sîlîvrî ya Stenbolê li Tirkiyê, 44 girtî û mehkûm bi vîrûsa koronayê ketin.

Hat ragihandin ku di encama testên hatine kirin de, 44 kes encamên wan pozîtîf derketine û 2 ji girtiyan jî li nexweşxaneyê têne dermankirin.

Li gorî ragihandina Serdozgeriya Komarê ya Bakirkoy a Stenbolê, li Saziya Înfazê ya Girtîgeha Sîlîvrî 44 girtî û mehkûm bi nexweşiya vîrûsa korona (Covîd-19) ketine.

Serdozgerî dibêje; “Piştî testa 2 girtiyan pozîtîf derket, testên 42 girtiyên din jî hatin kirin. Di testa van girtiyan de jî vîrûs hat tespîtkirin. Ji girtiyên testa wan pozîtîf derketin 2 jê li nexweşxanê û yên din jî li girtîgehê xistin karantînayê.”

Li girtîgeha Silîvrî zêdetirî 20 hezar girtiyên ji dozên cuda dimînin ku belavbûna koronayê dibe metirsiyeke mezin li wê girtîgehê.