Li Iraqê 14 Çekdarên DAIS’ê hatin kustin

PeyamaKurd- Li Iraqê di operasyonên li parêzgeha Enbarê de 14 çekdaren DAIŞ’ê hatin kuştin û gelek cebilxane û alavên teknîk û lojîstîk yên çekdaran hatin desteserkirin.

Fermandariya Operasyonên Hevbeş a Iraqê bîlançoya operasyonên di nava 2 hefteyên borî de yên li parêzgeha Enbar ragihand.

Li gorî bîlançoyê operasyona bi navê ‘Şêrên Çolê’ bi alîkariya hemû hêzên ewlehiyê yên Iraqê û Koalîsyona Navneteweyî roja 29’ê Tebaxa 2024’an dest pê kir û baregehên çekdaran hatin hedefgirtin.

Fermandariyê da zanîn ku di 3 operasyonên bejahî de berpirsên DAIŞ’ê hatin kuştin, her wiha gelek çek û alavên lojîstîk û teknîk hatin desteserkirin.

Hate destnîşankirin ku di operasyonan de 7 wesayîtên berpirsên DAIŞ’ê hatin îmhakirin, 14 çekdar jî hatin kuştin ku di encama testa DNA’yê de nasnameya çeteyan derket holê ku du ji wan berpirsên DAIŞ’ê bûn.