Palladino: HSD hevpeymaneke girîng e, heger gef li ser Tirkiyê hebin…

PeyamaKurd - Cîgirê Berdevkê Wezareta Derve ya Amerîka Robert Palladino ragihand ku Amerîka li ser hemû pirsên girêdayî ewlehiya Tirkiye û bakurê Sûriyê bi Enqereyê re hevahengiyê dike û got, ‘Heger gefek li ser Tirkiyê hebe, Amerîka hevahengiyê dike’.

Robert Palladino di konferansa rojnamevanî de, li ser metirsiyên Tirkiyê yên bo sînorê Rojava û bakurê Sûriyê daxuyakirin ku heger gefek li ser ewlehiya Tirkiyê hebe, Amerîka pabend e ku hevahengiyê bi Tirkiyê re bike.

Rayedarê Amerîkî got, “Bêgûman her wek hûn dizanin hêzên Amerîka bi armanca jinavbirina DAIŞê li navçê ye û pêşveçûnên mezin hebûn. Lê hîna erkê me bidawî nehatiye, Serok Trump û Serok Erdogan ev pirs di çarçova pêwendiya telefonî de behs kirin, her du alî jî pabend in ku hevahengî derbarê her êrîşeke ku rûbirûyî Tirkiye û navçê bibe, hebe.”

Palladino bal kişand ser hevkariya Amerîkayê ya bi HSDê re
û diyar kir, “HSD hevpeymaniyeke girîng a me ye di şerê dijî DAIŞê de û armanca me ji hevkariya HSDê ji bo piraniya grûbên li Sûriyê jî heman tişt e, ku beşeke guhartinê  li Sûriyê.”