Welatên besdarên konferansa Glasgowê li ser 4 xalan li hev kirin

PeyamaKurd – Konferansa Keş û Hewayê ya li Glasgow a Skotlandê bi serpereştiya Neteweyên Yekbûyî (NY) û beşdariya serok û nûnerên welatên cîhanê pêk hat, piştî 14 rojên civîn û gotûbêjan bidawî bû.

Welatên beşdarên konferansê li ser kêmkirina bikaranîna germahiya global û komirê li hev kirin. Sekreterê Giştî yê NY Antonio Guterres jî banga pêkanîna bilez a biryaran li welatên beşdar kir.

Herwiha welatê Îmaratê jî ragihand ku konferansa bê ya Keş û Hewayê di sala 2023yan de, li welatê wan tê lidarxistin.

Konferansa Keş û Hewayê ya 6emîn li bajarê Glasgowê 31ê Cotmehê dest pê kiribû û doh 13ê Mijdarê bi wergirtina çend biryaran bidawî bû.

Xalên ku di konferansê de, welatan li ser li hev kirine ev in:

1- Ji bo germahiya global li ser 1,5 pileyî hat lihevkirin.

2- Heta 2030yan tunekirina daristanan û xirabûna axê rawestînin.

3- Bikaranîna komirê û piştgiriya ji bo madeyên fosîlî were kêmkirin.

4- Divê welatên pêşketî di aliyê aborî de piştgirî bidin welatên ku niha ber bi pêşveçûnê ve diçin.