Dadgeha Diyarbekirê biryara girtina Hevserokê Gistî yê DBPê da

PeyamaKurd – Dadgeha Diyarbekirê biryara girtina Hevserokê Giştî yê Partiya Herêmên Demokratîk (DBP) Keskîn Bayindir da.

Li gor zanyariyan, Hevserokê Giştî yê Partiya Herêmên Demokratîk (DBP) Keskîn Bayindir û 14 hevserokên din ên DBPê, hefteya borî di operasyonekê de hatibûn desteserkirin.

Hat ragihandin, do 26ê Berfanbara 2022yan, 15 siyasetmedarên desteserkirî, piştî 4 roj ji mana li navenda ewlekariyê ji bo dadgehê hatin veguhastin. Li Dadgeha Diyarbekirê îfadeya wan destpê kir û 13 kesên ku karê îfadeya wan li dadgehê bi dawî bû, bi şertê kontrola edlî û bi qedexeya derketina derveyî welat, hatin berdan.

Herwiha Dadgeha Diyarbekirê derbarê Hevserokê Giştî yê DBPê Keskîn Bayindir û Hevserokê DBPê yê Diyarbekirê Hayrettîn Altun de biryara girtinê da.