Keça hunermendê Kurd Mamlê dawî li jiyana xwe anî

PeyamaKurd - Keça hunermendê kurd Mihemed Mamlê yê xelkê bajarê Mehabad a Rojhilatê Kurdistanê dawî li jiyana xwe anî ku sedema wê nehatiye zanîn.

Yekîtiya Jinên Demokrat a Kurdistan a Îranê (PDKÎ) bi daxuyaniyekê eşkere kir, şeva borî jineke bi navê Ronak Mamlê, ku keça hunermend Mihemed Mamlê ye û di temenê xwe yê 60 salî de bû, di mala xwe de dawî li jiyana xwe aniye.

Hat eşkere kirin ku ew jina dawî li jiyana xwe aniye rûniştvana taxa Tepeyê Qazî bûye li bajarê Mehabadê û heta niha sedema xwekuştina wê nayê zanîn.