Ned Price bo Ermenistanê got: “Divê artês tevlî siyasetê nebe”

PeyamaKurd – Berdevkê wezareta karên derve yê Amerîkayê Ned Price li ser hewla derbeyê ya li Ermenistanê ragihand ku ew demokrasiya Ermenistanê destek dikin û divê artêş tevlî siyasetê nebe.

Price, beyana xwe di civîna çapemeniyê ya rojane de da û got divê li Ermenistanê herkes di sikûnetê de be û ji gavên şiddetê û gengeşeyê xwe dûr bixe. Price weha dewam kir:

“Em bo hemû terefan bibîr dixin ku prensîba me ya esasî ew e ku artêş tevlî siyaseta demokratîk nebin. Amerîka li Ermenistanê destekê daye pêvajoya demokratîzebûnê û pêşxistina dezgeyan. Em desteka xwe dewam bo demokrasi û desthilata Ermenistanê dewam dikin. Em bo serokên wan dibêjin hûqûqê serdest bigrin, li demokrasiyê û dezgeyan rêz bigrin û arîşeyên xwe di nava aştiyê de çareser bikin.”