126 dîplomatên berê xwestin dev ji Kanala Îstenbolê berdin da Montro nekeve rojevê

PeyamaKurd – 126 dîplomatên Tirkiyê ku li her derê dinyayê wezîfe kirine peyamekî hevpar belav kirin û di peyamê de ragihandin ku divê hukumet dev ji vekirina Kanala Îstenbolê berde û divê peymana Montroyê nekeve rojevê. Eger peymana Montroyê bikeve rojevê wê destkeftiyên Tirkiyê ji dest herin û mijar bibe mijara mayîn û nemana Tirkiyê. Dîplomat di peyama hevpar de weha gotin:

“ Kanal Îstenbol wê bibe sedema niqaşa peymana Montroyê. Serkeftina dîplomasiyê ya Tirkiyê Peymana Lozanê ye û eger peymana Montroyê bibe sedema munaqeşeyan, wê bibe sedema wendakirina desthilatiya li ser Buhirên Îstenbolê, Çanakkaleyê û Derya Marmarayê. Divê dev ji vekirina Kanal Îstenbolê berdin. Dê ev, xizmetê bo daxwaza Amerîkayê bike ku dixwaze niqaşa Montroyê car din bixe rojevê.”