Agir bi kargeha pola ya Îranê ket

PeyamaKurd – Hat ragihandin ku agir bi kargeheke pola ya Îranê ket û dengê çend teqînên bihêz li wê kargehê hatin bihîstin.

Li gorî zanyariyan îro danê sibehê agir li kargeha pola ya Zerend li parêzgeha Kirmanê ketiye û teqîn di dema şewatê de çêbûne.

Qaymeqamê bajarê Zerend Elî Sadiqpûr teqînên di nav kargehê de red kiriye û ji medya Îranê re daye xuyakirin ku sedema şewatê madeyên pola û bêyî ti ziyanên canî agir hatiye kontrolkirin.

Kargeha pîşesaziya pola, li ser erdekî 376 hektarî ye û 7 kîlometran ji bajarê Zerend yê parêzgeha Kirmanê dûr e.

Hêjayî bibîrxistinê ye, sala borî ew kargeh hatibû vekirin û demên dawî jî ketibû nav lîsteya dorpêçên Amerîkayê.