Li Soran fermangeha pasaportan bi fermî hat vekirin

PeyamaKurd -  Îro li bajarê Soran bi amadebûna Wezîrê navxwe yê hikûmeta herêmê, parêzgarê Hewlêrê, qaymeqamê Rewandizê ve fermangeha pasaportan a Soran hat vekirin.

Îro Duşemê (18.11.2019) Wezîrê Navxwe yê hikûmeta herêma Kurdistanê Rêber Ehmed li gel parêzgerê Hewlêrê Firset Sofî di civîneke rojnamevaniyê de li bajarê Soranê aşkera kir: ‘

’Îro bi amadebûna hemû aliyên peyvendîdar û nûnerê Wezareta Navxwe ya hikûmeta Iraqê ve, fermangeha pasaportan a Soran em vedikin û ev yek kar asan dike bo hemwelatiyên sînorê Mêrgesor, Rewandiz, Çoman û qeza navendî ya Soranê û sûd ji xizmetên vê fermangehê dê wergirin.’’

Rêber Ehmed herwiha got: “Bo vekirina vê fermangehê gelek kesan hewl daye û westiyan di ber de û hemahengiyek pir baş li gel wezareta navxwe ya Iraqê hebûye û tîmek vê derbarê de alîkar bûn. Bê guman li sê navçeyên din jî bi çavdêriya serokê hikûmeta herêma Kurdistanê Mesrûr Barzanî ve dê bên vekirin û pêwîste xizmet bilez pêşkeşî hemwelatiyan re bê kirin û îro ev fermangeh tê vekirin û hêvîdarim sûd lê bê dîtin û hemwelatî alîkar bin vê derbarê de.”

Herwiha parêzgerê Hewlêrê Firset Sofî jî got: “Vekirina fermangeha pasaporta Soran yek ji destkevtên vê kabîneya nehem a hikûmeta herêma Kurdistanê ye vo sînorê qezayên Çoman, Rewandiz, Mêrgesor û Soranê. Em pir spasiya wezîrê navxwe û parlamenteran li Bexdayê û hemû aliyên ku bû sedem em vê rojê bibînin dikin. Herwaha ev fermangeh bar sivikiye bo hemwelatiyên vê deverê.”