Îranê yekem pêketiyê Omicronê ragihand

PeyamaKurd - Wezareta Tenduristiyê ya Îranê yekem haleta pêketina ûreya Omicron a vîrûsa guherî ya koronayê ragihand.

Serokê Navenda Pêwendiyên Giştî û Zanyariyan a Wezareta Tendirustiyê Mihemed Haşimî ragihand, îro civînek bi amadebûna Wezîrê Tendirustiyê hatiye lidarxistin û tê de pêketiya yekem haleta Omicronê li Îranê hat piştraskirin.”

Haşimî gotiye, ew kesê bi Omicronê ketiye, rêwiyekî Îranî ye û berî demeke nêzîk ji welatekî ciran hatiye.

Serokê Navenda Pêwendiyên Giştî û Zanyariyan a Wezareta Tendirustiyê daye zanîn, piştî civîna ku wê protokolên tenduristiyê werin guftûgokirin encam û rênimayên taybet bi rêgirtina li belavbûna Omicronê jî dê werin ragihandin.