Sewata daristanên Bedlîsê 3 roj in dewam dike

PeyamaKurd – Şewata li nav sînorên bajarê Bedlîsê yê Bakurê Kurdistanê 3 roj in dewam dike û hîn jî nehatiye vemirandin ku bi hezaran hektar erd şewitîne.

Li gorî zanyariyan li herêma Ava Weqfê ya Bedlîsê ji 30yê Tebaxê ve agir bi daristanan ketiye û şewat li dorûberê jî belav dibe.

Ji ber ku heta niha xebata ji bo vemirandina agir nehatiye kirin, şewat li deverên çiyayê navbera Bedlîs û navçeya Hawêl a Sêrtê belav bûye.  

Herî dawî jî li gorî çavkaniyên xwecihî, şewata ku doh êvarê gihîştiye gundê Hurmiz a bi ser navçeya Motka ya Bedlîsê ve ji aliyê tîmên agirkujiyê û xelkê ve hatiye kontrol kirin, lê şewat li quntara Çiyayê Boz hê jî dewam dike.