160 hezar koçber ji Lubnanê derbasî Sûriyê bûne: Zêdetirî 17 hezarên wan çûne Rojava Kurdistanê

PeyamaKurd - Neteweyên Yekbûyî (NY) ragihand ku heta niha nêzî 160 hezar kes ji Lubnanê derbasî Sûriyê bûne.

Neteweyên Yekbûyî bi daxuyaniyekê ragihand ku ji ber şerê Îsraîl û Hizbullahê, heta niha nêzî 160 hezar kes ji Lubnanê reviyayne û derbasî Sûriyê bûne.

Rêveberiya Xweser li Rojavayê Kurdistanê jî daye xuyakirin, hejmara koçberên ku ji Lubnanê derbasî herêmên jêr kontrola wan bûne gihîştiye 17 hezar û 558 kesan.

Li gorî daxuyaniye Rêveberiya Xweser, hejmara kesên ji ber şerê Îsraîl û Hizbullah ji Lubnanê hatine herêmê wiha ye:

Hejmara mêran 6 hezar û 114

Hejmara jinan 5 hezar û 587

Hejmara zarokan 5 hezar û 800

Hejmara Lubnaniyan 46

Hejmara cenazeyan 11