Artêsa Amerîkayê bi balafiran êrîsî Afganîstanê kir

PeyamaKurd – Artêşa Amerîkayê bi balafiran êrîşî Afganîstanê kir û bi êrîşê rêveberekî payebilind ê rêxistina terorîst a DAIŞê kir armanc.

Artêşa Amerîkayê, îro bi daxuyaniyekê diyar kir: ‘‘Êrîş bi balafireke dron a cureya Reaper pêk hatiye û rêveberekî DAIŞê li herêma Nangehar a li Rojhilatê Afganîstanê bûye armanca êrîşê.’’

Li gor artêşa Amerîkayê daye zanîn: ‘‘Ew rêveberê DAIŞê yê navê wî nehatiye eşkerakirin, li gel çekdarekî di otomobîlekî de bûye û ji aliyê balefira dron ve bûye armanca êrîşê û hatiye kuştin.’’

Di daxuyaniyê de hatiye destnîşankirin, ew rêveberê DAIŞê plana ji bo êrîş û kiryarên terorîstî dadirêjîne.

Ew êrîşa Amerîkayê piştî du teqînên li Kabûlê pêk hat, ku DAIŞê berpirsyartiya xwe ya wan êrîşan ragihandibû.