Balafira ser a Yunanîstanê, ket deryayê!

PeyamaKurd- Li gorî agahiyên lezgîn ên ku ji qada berevaniya Yunanîstanê hatin ragihandin, îro balafireke şer a aîdê hêzên asîmanî yên Yunanîstanê, ketiye Behira Iyonê.

Di agahiyên ku ji Televîzyona Dewletê ya Yunanîstanê ERTê hatin parvekirin de hat diyarkirin ku li başûrê bajarê Andravidayê, balafira bi tîpa F-4 ketiye deryayê û hat diyarkirin ku ajovan û ajovanê alîkar bi tenê di nav balafirê de bûne.

Li gorî hat ragihandin, balafir di firîna perwerdehiyê de bûye û niha tîmên rizgariyê, dest bi xebatên lêgerîna herdu ajovanên wenda hatine kirin.

Heta niha, di derbarê sedemên ketina balafirê de ji aliyê rayedarên Yunanîstanê ve tu agahiyên fermî nehatine parvekirin.