DYA: Ji me re hevparên ku li Iraqê desthilata mîlîsên terefdarên Îranê bi dawî bikin pêwistin

PeyamaKurd –  Peyamnêrê Rûdawê Diyar Kurda di ser hesabê xwe yê medya civakî de ragihand ku berdevkê wezareta karên derve yê DYAyê ragihandiye ku serokê DYAyê Donald Trump, gotiye ger Nuri el-Maliki bibe serokwezîrê Iraqê, wê ev yek zorê bide Trump an mecbûr bike ku Trump têkiliyên DYA û Iraqê ji “nûh de rave bike”.

Berdevk, ji Diyar Kurda re gotiye ku Trump li hevparên wisa digere ku dawiya mîlîsên terefdarên Îranê li Iraqê bînin û nehêlin ku desthilata wan grûbên mîlîs li Iraqê bimîne.