Îdia | Îsraîlê li Samê li dijî hin xalên leskerî êrîsên hewayî pêk anîn

PeyamaKurd – Hat îdiakirin ku Îsraîlê li paytexta Sûriyeyê Şamê li dijî hin xalên leşkerî êrîşên hewayî pêk anîn.

Di nûçeya ku ajansa nûçeyan a fermî ya Sûriyeyê SANAyê dispêre çavkaniyeke leşkerî de, hat îdiakirin ku li gorî saeta herêmî saet 01:05an de hin xalên li Şamê ji aliyê hêzên Îsraîlê ve hatine hedefgirtin.

Di raporê de hat gotin, "Pergalên me yên parastina hewayî li moşekên dijmin rast hatin û hin ji wan xistin xwarê. Di êrîşê de leşkerek birîndar bû û xisar dît."

Derbarê êrîşê de ji aliyê rayedarên Îsraîlî ve ti daxuyanî nehat dayîn.

Hat destnîşankirin ku artêşa Sûriyeyê û komên terorîst ên ku Îran piştgiriya wan dike û endamên Hizbullaha Lubnanê jî li Şamê û gundewarê wê hene.