Wezareta Parastinê ya Sûriyeyê: Me êrîsa Hamayê sikand
PeyamaKurd – Hat ragihandin ku artêşa Sûriyeyê "hewldanên ketina komên cîhadîst ên bi pêşengiya HTŞê yên ber bi Hamayê ve diçûn asteng kir û bi dehan çete bêbandor kirin."
Di daxuyaniya Wezareta Parastinê ya Sûriyeyê da hat destnîşankirin ku yekîneyên artêşa Sûriyeyê yên li bakurê Hemayê "hewldanên ketina komên terorîst asteng kirin."
Di daxuyaniyê de hat diyarkirin ku êrîş hatin şikandin. Di daxuyaniya wezaretê de wiha hat gotin: “Leşkerên me yên ku li bakurê Hemayê tevdigerin şeva borî xeta parastinê bi hêz û alavan xurt kirin, li hember rêxistinên terorê derketin û pêşî li êrîşên wan girtin. "Hêzên me herwiha gelek deveran kontrol kirin ku yên herî girîng Kalat El Madik û Maardis bûn, bi dehan terorîst bêbandor kirin û yên mayî jî reviyan."
Ji aliyê din ve li gorî radyoya Şamê FM, hêzên esmanî yên Sûriyê û hêzên esmanî yên Rûsyayê navendên HTŞ û embarên çekan li Idlibê topbaran kirin û di encamê de bi dehan çekdar hatin kuştin.
Di nûçeyê de hat gotin, "Di êrîşên hevpar ên hêzên hewayî yên Sûriyeyê û Rûsyayê yên li ser baregehên leşkerî û depoyên çekan ên li bajarê Idlibê de, bi dehan çekdarên Eniya Nusra û komên girêdayî wê hatin kuştin û birîndarkirin."
Di nûçeyê de hate gotin ku artêşa Sûriyê hin cihên niştecihbûnê li bakurê parêzgeha Hemayê ku dikeve ser sînorê Heleb û Idlibê bi temamî xistine bin kontrola xwe.
Di nûçeyê de herwiha hate gotin ku artêşa Sûriyê û hevalbendên wê ketin û derketina gelek niştecihan li bakurê Hemayê xistine bin kontrola xwe.
Li ser medyaya civakî û hin saziyên çapemeniyê hat îdiakirin ku komên cîhadîst derbasî Hemayê bûne.