Berdevka Komîsyona Hilbijartinan: Em ji bo roja nû ya hilbijartinên Parlamentoya Kurdistanê amade ne

PeyamaKurd - Berdevka Komisyona Bilind a Serbixwe ya Hilbijartinan a Iraqê Cumana Xelayî piştî ku Serokatiya Herêma Kurdistanê 20ê Cotmehê wek roja lidarxistina hilbijartinên Parlamentoya Kurdistanê diyar kir, daxuyanî da.

Berdevka Komisyona Bilind a Hilbijartinên Iraqê ragihand, ew amade ne hilbijartinên Parlamentoya Kurdistanê di roja ku hatiye diyarkirin de bikin.

Cumana Xelayî îro 26ê Hezîranê ji K24ê re gotiye: “Em amade ne di roja ku ji aliyê serokê Herêma Kurdistanê ve hatiye diyarkirin, hilbijartinên Parlamentoyê bikin.”

Hêjayî gotinê ye, Berdevkê Hikûmeta Herêma Kurdistanê Pêşewa Hewramanî jî ragihandibû ku Encûmena Wezîran a Herêma Kurdistanê pêşwaziyê li dema nû ya hilbijartinên Parlamentoya Kurdistanê dike ku ji aliyê Serokê Herêma Kurdistanê ve hatiye diyarkirin.