DEM Partiyê 75 saredariyan bi dest xist

PeyamaKurd - Di hilbijartinên herêmî yên 31ê Adarê yên Tirkiye û bakurê Kurdistanê de ji sedî 99ê sandoqan hatin vekirin û li gorî encamên nefermî şaredariyên ku partiyan li tevahiya Tirkiye û bakurê Kurdistanê bi dest xistine jî hatin eşkerekirin.

Li gorî van encaman DEM Partiyê li bakurê Kurdistanê ji nû ve gellek şaredariyan bi dest xist.

DEM Partiyê şaredariyên 3 bajarên mezin ên Amed, Wan û Mêrdînê û şaredariyên 7 bajar ên Agirî, Colemêrg, Mûş, Sêrt, Dêrsim, Batman û Îdirê bi dest xistin.

DEM Partiyê li gel şaredariyên 58 navçe û 7 bajarokan bi giştî 75 şaredariyan bi dest xistin.