Li Agiriyê qezayeke mezin çêbû: Gelek mirî û birîndar hene

PeyamaKurd – Îro 7ê Mijdarê piştî nîvro li navçeya Tûtax a Agiriyê otobusa rêwiyan a 21 kes tê de bûn û barhilgirek serserkî li hev qelibîn û di encamê de şewateke mezin derket.

Li gorî nûçeya dawî destwerdana tîmên tenduristiyê û agirvemirandinê li cihê qezayê dewam dike û heta niha piştrast bûye ku 7 kesan can daye, 11 kes birîndar bûne û rewşa 2 birîndaran jî giran e. Birîndarên qezayê bo Nexweşxaneya Dewletê ya Tûtaxê hatine veguhestin.

Li cihê qezayê agirekî mezin derketiye û dûxan bilindî esmanî bûye.

Serokomarê Tirkiyê Erdogan derbarê qezayê de daxuyanî da û eşkere kir, di bûyera îro ya li navçeya Tûtax a Agiriyê de 7 kesan can daye.

Wezîrê Dadê yê Tirkiyê Bekir Bozdag jî ragihand ku Serdozgeriya Komarê ya Tûtaxê derbarê qezayê de lêpirsîn daye destpêkirin.