Nêçîrvan Barzanî: Milletê Kurd pistgirekî doza xwe yê ji dil wenda kir
PeyamaKurd – Serokê Herêma Kurdistanê Nêçîrvan Barzanî li ser koça dawî ya lêkolîner û nivîskarê Misrî yê bi navê Tajaî Fayed peyameka sersaxiyê belav kir û di peyama xwe de got ku milletê Kurd piştgirekî doza xwe yê ji dil û can wenda kir. Serokê Navenda Lêkolînên Kurd yên Misrê, lêkolîner û hem nivîskar Rajaî Fayed roja înê wefat kir. Barzanî di peyama xwe de ji bo malbata wî sersaxiyê xwest.
Dostê Kurd ê nivîskar Rajaî Fayed piraniya jiyana xwe di dinya Ereb û Misrê de bi lêkolîna li ser pirsa Kurd derbas kir. Pirsa Kurd hem vedikola û hem li serê diaxifî.
Fayed, li bajarê Misrê li Tantayê di sala 1943an de hatibû dinyayê. Ji sala 1979an heya sala 1988an li Hewlêrê jiya. Li ser dîroka Kurd, Helebçe û Enfalan ku di êrîşan de çekên kîmyewî bikaranîbûn, lêkolînan kir.