Senator Mendenez: Trump ji têkilîdanîna bi zordarên wekî Erdogan re kêfxwes e

PeyamaKurd – Senatorê Demokrat ê Amerîkî Bob Menendez ku endamê Komîteya Pêwendiyên Derve ya Kongreyê ye û avakerê yasaya hevalbendiya ewlehî û enerjiyê ya Rojhilata Navîn e,  ji malpera The Greek Current re daxuyanî dan.

Menendez got: “Pêwendiya di navbera Kongre û rêveberiya Amerîkayê de gelekî nakok e. Ji ber ku rêveberiya Amerîkayê, deshilata Tirkiyê ji ber destwerdanên wê di ava herêmî ya Yunanistan û Qibrisê de muhasebe nake.”

Menendez dibêje: “Ev tiştên ku her tim dixwazim bala rêveberiyê bikişînim ser; em nikarin mîna ku hêvî dikin bi Tirkiye re bidin û bistinîn. Divê em li hember deshilata Erdogan tevbigerin.”

Bob Mendez metirsiya xwe ji têkiliyên Trump ên bi Erdogan re anî ziman û got: “Trump bi têkiliya xwe ya xurt bi Erdogan re serbilind e, xuya ye ku ew ji têkiliyên bi zordaran re kêfxweş e.”