Serokwezîrê Herêma Kurdistanê 61emîn salvegera Pêsmergebûna Serok Barzanî pîroz kir

PeyamaKurd – Serokwezîrê Herêma Kurdistanê Mesrûr Barzanî ji bo 61emîn salvegera Pêşmergebûna Serok Mesûd Barzanî, di peyamekê de pîrozbahiyê li Serok Barzanî û Pêşmergeyên Kurdistanê dike û dibêje: “Di vê rojê de ji Xwedayê mezin daxwaz dikim, temenê wî dirêj be û em jî di asta baweriya Cenabê Serok de bin.

Serokwezîr Mesrûr Barzanî di peyama xwe de diyar kiriye: “Îro 61 sal in Cenabê Serok Barzanî di rêya rizgarî û azadîxwaz a Kurdistanê de Pêşmerge ye. Ez pîrozbahiyê li cenabê wî û Pêşmergeyên Kurdistanê dikim. Di vê rojê de ji Xwedayê mezin daxwaz dikim, temenê wî dirêj be û em jî di asta baweriya Cenabê Serok de bin.”

Serok Mesûd Barzanî di 20ê Gulana 1962an de wek Pêşmergeyê herî temenbiçûk, beşdarî Şoreşa Îlonê bû, di jiyana Pêşmergeyî de serkirdetî û rola wî ya bilind di nivîsandina çendîn destkeft û destanên dîrokî û bi nav û deng ên Kurdistanê de hebûn.