Walîtiya Stenbolê: Heya niha 12 hezar 474 koçberên neqeydkirî hatine sandin

PeyamaKurd - Walîtiya Stenbolê derbarê xebata koçberan de daxuyaniyeke nivîskî da. Li gorî daxuyaniya walîtiyê 12 hezar 474 koçberên neqeydkirî hatine şandin.

Walîtiyê di daxuyaniya xwe de gotiye ku di navbera 12 û 31ê Tîrmehê de 12 hezar û 474 koçberên ku bi awayekî neyasayî hatine li Stenbolê û bi cî bûne, bi şunde hatine vegerandin.

Di daxuyaniyê de her wiha hatiye diyar kirin ku 2 hezar 630 Sûriyeyîyên ku li tu cihî qeyda wan tine bo kapman hatine şandin.

Düzensiz Göç, Kayıt Dışı İstihdam, Kayıtsız Suriyelilere İlişkin Basın Açıklamasıhttps://t.co/dyqo4unCcU pic.twitter.com/DvuZNKDWwR

— TC İstanbul Valiliği (@TC_istanbul) August 1, 2019

Hêjayî bibîrxistinê ye ku Wezîrê Karûbarên Navxweyî yê Tirkiyê Suleyman Soylu ragihandibû ku wê koçberên Sûriyeyî ku bi awayekî ne yasayî li Stenbolê dijîn bo bajarên ku lê tomarkirîne bihên şandin û yên ku qeyda wan tine ye jî dê bêne deportkirin û diyar kiribu ku heya 27ê Tebaxê bo wan kesan mohlet hatiye dayîn.