55 kes piştî mirina serokê Kartelê li Meksîkayê hatin kuştin!

PeyamaKurd - Piştî kuştina Nemesio Oseguera Cervantes, bi nasnavê "El Mencho", serokê Kartelê Nifşê Nû yê Jalisco, li seranserê welêt bûyerên tundûtûjiyê dest pê kirin, ku di encamê de li gorî daxuyaniyên fermî 55 kes, di nav de 25 karmendên ewlehiyê, mirin.

Wezîrê Ewlehî û Parastina Welatiyan ê Meksîkayê Omar Garcia Harfuch ragihand ku piştî bêbandorkirina El Mencho li 16 dewletan bûyerên tundûtûjiyê yên hevdem qewimîn.

Harfuch diyar kir ku di êrîşên CJNG de 25 karmendên ewlehiyê canê xwe ji dest dane û di operasyonan de 30 endamên kartelê hatine bêbandorkirin.

Rayedaran ragihandin ku bi tevahî 85 otoban li 11 dewletan ji hêla komên girêdayî kartelê ve hatine girtin, lê trafîk li ser damarên sereke bi destwerdana hêzên ewlehiyê ve hate sererastkirin.