Esad: Amerîka bi serê Sûriyê dixwaze nexseya cîhanê biguherîne

PeyamaKurd - Serokê Sûriyê Beşar Esed bi Wezîrê Derve yê Koreya Bakur Ri Yong-ho re li Şamê civiya.

Esad got ku armanca Amerîkayê ya şerê dijî Sûriyê guhertina nexşeya siyasî ya cîhanê ye û diyar kir, Amerîka li cîhanê dijayetiya dewletên serbixwe dike. 

Beşar Esed welatên Rojavayî rexne kir û got: “Projeyên welatên rojava, rastî şikestinê hatine û bi rêya xweragiriya Sûriye û Korya Bakur, guhertin di qada navdewletî de çêdibe û hevsengî û terazûya hêzan tê parastin.” 

Wezîrê Derveyê Koreya Bakur Ri Yong-ho jî di civînê diyar kir, dê karên hevbeş di navbera Biyong Yang û Şamê de berfirehtir bibe, daku bikaribin bi hev re li dijî plan û dijminatiya welatên rojava derkevin.