Afrîkaya Basûr: 23 welat dixwazin tevlî BRICS bibin

PeyamaKurd – Wezîrê Karên Derve yê Afrîkaya Başûr Naledi Pandor diyar kir, serokên 23 welatan bi fermî ragihandine ku ew dixwazin tevlî BRICS bibin.

Wezîrê Karên Derve yê Afrîkaya Başûr Pandor got, “Ji bo beşdarbûna BRICSê ji lîderên 23 welatan daxuyaniyên fermî yên eleqedarkirinê hatin wergirtin. Di derbarê îhtîmala endametiya BRICSê de jî me serlêdanên nefermîtir wergirtine.”

Di nav welatan de Cezayîr, Arjantîn, Bangladeş, Bahreyn, Belarûs, Bolîvya, Kuba, Misir, Etiyopya, Honduras, Endonezya, Îran, Kazakistan, Kuweyt, Fas, Nîjerya, Filistîn, Erebistana Siûdî, Senegal, Tayland, Îmarat, Venezuela û Vîetnam hatin nîşandan.

Pandor da zanîn, berjewendiya bilind piştrast dike ku BRICS rêxistineke pêşeng e ku berjewendiyên welatên Başûrê Cîhanê diparêze.