Amerîka: Esed bi zanebûn xebata komîteya nivîsandina destûrê dereng dixe

PeyamaKurd - Alîkarê balyozê Amerîkayê yê li Neteweyên Yekbûyî (NY) Richard Mills ji Konseya Ewlehiyê ya Neteweyên Yekbûyî xwestiye, çi ji destê wan tê bikin û nivîsandina destûra nû ya Sûriyê 2020an derbas neke.

Mills li ser navê rêveberiya Trump ragihandiye ku Esed hêvî dike ku karê nûnerê Neteweyên Yekbûyî bo Sûriyê Geir Pedersen betal bike û xebatên komîteya nivîsandina destûrê jî bi zanebûn dereng dixe.

Nûnerê Amerîkayê Mills ji Pedersen xwest ku ji bo hewldanên aliyan hêsantir bike tedbîrên ku ew guncan dibîne bistîne û wiha got:

"Sûriye ji bo pêkanîna hilbijartinên azad, adil û zelal ku civata Sûriyê beşdar bibe, amede ye û ji ber vê yekê jî pêdivî bi xebata Komîteya Destûrê û Neteweyên Yekbûyî heye da ku plansaziya xwe ya mîsogeriya baweriya hilbijartinên Sûriyê ya bê zûtir bike."

Herwiha Balyozê Alman Christoph Heusgen ê NY jî taktîkên Esed wek "rawestandin û astengkirina" xebatên Komîteya Destûrê nirxand.