Berdevkê AK Partiyê ji bo lihevkirin û hevdîtina bi Esed re Pûtîn îsaret kir

PeyamaKurd – Berdevkê AK Partiyê Omer Çelîk, piştî civîna Desteya Birêveberiya partiyê derbarê rojevê de daxuyanî dan.

Berdevkê AK Partiyê Çelîk, li ser mijara  asayîbûna bi Sûriyê re û lihevkirina Serokê Sûriyê Beşar Esed bal kişand ser navbeynkariya Serokê Rûsyayê Vladimîr Pûtîn û wiha axivî:

"Îradeyeke Pûtîn heye. Li ser vê dosyeyê xebat didomin. Saziyên îstixbarî dem demî dicivin. Piştî ku dosye were asta siyasî û ji aliyê wezîrên derve ve çarçoveyek jê re bê danîn, wê pêşkeşî serokomarê me û serokê Sûriyê bê kirin û dîroka wê bê diyarkirin.”

Omer Çelîk, li ser daxuyaniyên Serokê CHPê Ozgur Ozel ên derbarê çareserkirina pirsa Kurd de jî got ku ew daxuyaniyeke dereng mayî ye û diyar kir ku di serî de vekirina kanala TRTê ya Kurdî wan ji bo rakirina gelek qedexeyan gav avêtine.