Biden bi Covid-19a ket

PeyamaKurd – Hat ragihandin ku testa Serokê Dewletên Yekbûyî yên Amerîkayê Joe Biden Covid-19a erênî bûye.

Têkildarî mijarê ji Qesra Spî daxuyaniyeke nivîskî hat.

Di daxuyaniyê de hat destnîşankirin ku Biden ji ber derziya Covid-19a li xwe xistiye nîşanên sivik nîşan daye û hat eşkerekirin ku "Serok Joe Biden wê xwe li Delaware îzole bike."

Di daxuyaniyê de hat ragihandin ku Biden piştî bûyera li Las Vegasê hat ceribandin û testa wî ya Covid-19a erênî derket.

Di daxuyanîya ku tê de nîşeya doktor Biden jî heye de hat gotin ku Joe Biden bi nîşaneyên enfeksiyona rêka nefesê ya jorîn hatiye û taya wî û nebza wî normal bûye.

Biden di Tîrmeha 2022a de koronavirus derbas kir.