Cîgirê serokê Amerîkayê Pence serdana Bexdayê kir

PeyamaKurd - Cîgirê Serokê Amerîkayê Mike Pence serdana Bexdayê kir û ew dê li gel berpirsên payebilind ên Iraqê bicive.

Li gorî nûçeyên medya amerîkî, îro Şemiyê (23.11.2019) Cîgirê Serokê Dewletên Yekbûyî yên Amerîkayê (DYA) Mike Pence ji bo serdaneke fermî gihişt Bexdayê.

Mike Pence wê li gel berpirsên payebilind ên Iraqê bicive.

Serdana Mike Pence di demekê de ye ku xwepêşandan li Iraqê pêk tên û daxwaza guhertina hejmarek wezîrên kabîneya hikûmeta Iraqê kirin.

Ji aliyê din ve şandeke bilind a herêma Kurdistanê bo danûstendinên li ser pirsgirêkên petrol û budceya giştî ya Iraqê û pişka kurdan, serdana Bexdayê bike û li gel wezîrê darayî û serokwezîrê Iraqê bicive.