Fransa û Belçîka bangî balyozên Îranê kirin

PeyamaKurd – Piştî êrîşa Îranê ya ser Îsraîlê wezaretên karên derve yên Fransa û Belçîkayê bangî balyozên Îranê kirin.

Li gor ragihandina wezareta karên derve ya Fransayê; ji bo balyozê Îranê ragihandiye ku Fransa êrîşa Îranê ya ser Îsraîlê şermezar dike. Fransa gotiye ku ew dixebitin da rewşê aram bikin û ji bo wê, bi hevkarên xwe re dixebitin.

Wezîrê karên derve yê Belçîkayê Hadja Lahbib jî ragihand ku gazî balyozê Îranê kirine da here wezaretê û êrîşa ser Îsraîlê şermezar kirine. Ji balyoz re weha gotine:

“Êrîş, îstîqrar û xelkê herêmê dixe talûkê û herkesî ji aştiyê dûr dixe.”