Jan Dost wek nûnerê 'Kurdistanê' bo festîvala Makedonyayê hat vexwendin

PeyamaKurd – Helbestkar û romanûsê Kurd, Jan Dost wekî nûnerê Kurdistanê beşdarî festîvala navnetewî ya helbestê  “Ditet e Naimit” (Rojên Naim Fraşeri) ya li Makedonyayê bû.

Navê helbestkar û romanûsê Kurd Jan Dost di broşura festîvala navnetewî ya helbestê  “Ditet e Naimit” (Rojên Naim Fraşeri) ya li Makedonyayê wekî nûnerê welatê Kurdistanê hat nivîsandin.

Di jiyannameyên broşura festîvalê de, li bin navê Jan Dost îfadeya “Nûnerê Kurdistanê/Almanyayê” hat nivîsandin.

Bu gönderiyi Instagram'da gör

صفحة من أنطولوجيh شعراء مهرجان الشعر العالمي الثالث والعشرين والذي سيقام في البانيا ومقدونيا بعد حوالي أسبوع، وسأشارك فيه ممثلاً لكردستان. Rûpelek ji antolojiya helbestvanên festîvala helbestê ya cîhanî ku ezê jî wek nûnerê Kurdsitanê li wê bim. ewê li Makadonya û Albanyayê li dar bikeve.

Jan Dost جان دوست (@jandost_official)'in paylaştığı bir gönderi (8 Eki, 2019, 12:58ös PDT)

‘Ez dê Kurdistanê Temsîl bikim’

Jan Dost derbarê festîvalê de li ser hesabê xwe yê tora civakî Instagramê postek parve kir û tê de ragihand ku ew dê wekî nûnerê Kurdistanê beşdarî festîvala helbestê ya cîhanî bibe ku li Makedonya û Albanyayê birêve çû.

Festîval di navbera 17 û 21ê Cotmehê li Kalkandelen û Goriceyê birêve çû

Jan Dost kî ye?

Di sala 1965an de li Kobaniyê ya li Rojavayê Kurdistanê çêbûye. Li Helebê xwendiye û ji sala 2000î û vir ve li Almanyayê dijî û dinivîse. Helbestên Jan Dost bi navê “Dîwana Jan” çap bûne. Dost, herweha romanan dinivîse, wergeran dike û lêkolînan li ser ziman û edebiyata Kurdî dike.

Hinek berhemên wî yên çapkirî ev in: Dîwana Jan, Kela Dimdimê, Mem û Zîn, Mijabad, Sê Gav û Sê Darek, Mîrname, Ferhenga Kurdistanî, Ferhenga Hemîdî, Adat û Rusûmatnameê Ekradiye, Xwîna Li ser Minareyê, Pîrwerger û Kobanî.