G20an li ser belavkirina derziyên korona û Aborîya Gerdunî li hev kir

PeyamaKurd – Lûtkeya Serokên 20 welatên xwedî aboriya pêşketî G20 li paytexta Îtalya Romayê di roja xwe ya duyemîn de, bidawî bû. Yek jî mijara herî girîng a Lûtkeya G20an rewşa avûhewayê ye ku gengeşî li ser çêbûn.

Di Lûtkeya G20an welatên beşdar li ser peymana mûçeyên pirnetewî yên Aboriya Gerdûnî lihev kirin û soza belavkirina zêdetir a derziyên koronayê dan.

Serokwezîrê Îtalya Mario Draghi Marîo Dragî ku welatê wî îsal seroktiya kombûnên G20 dike, doh Şemiyê yek bi yek beşdarên civînê pêşwazî kirin û piştre wêneyê komî hat girtin.

Rûniştin roja yekem a Lûtkeyê bi sernavê “Aboriya Gerdûnî û Tenduristiya Gerdûnî” birêve çû û mijarên di pêvajoya pandemiya koronayê de rewşa aborî, pêngava xwederzîkirin û asta gihandina derziyên koronayê ji bo cihanê hatin gotûbêjkirin.

Piştî guftûgoyên berfireh, lîderên G20an Peymana ku Rêxistina Rabûn û Hevkariya Aboriyê (OECD) ji bo kêmkirina mûçeyên şîrketên pirnetew amade kiribû hat îmze kirin.

Di Lûtkeya G20an de soza belavkirina zêdetir a derziyên koronayê hat dayîn û hat diyarkirin ku welatên ku ev peyman îmze kirine wê ji bo Aboriya Gerdûnî herî kêm ji sedî 15 mûçe bidin.