Bertekên Amerîkayê ji Tirkiyeyê re!

PeyamaKurd – Wezareta Derve ya Amerîkayê tekez kir, ew ji aliyê dadgeha temyîzê ya li Tirkiyê ku mehkûmkirina Osman Kavala, bersûcê doza Geziyê pejirandibû, "gelekî xemgîn û bêhêvî bûn".

Alîkarê Berdevkê Wezareta Karên Derve Vedant Patel di daxuyaniya xwe ya nivîskî de bal kişand ser rewşê û got, "Amerîka ji ber ku îro dadgeha Tirk cezayê Osman Kavala erê kir, gelekî xemgîn û bêhêvî ye."

Patel di daxuyaniya xwe de got, “Wek ku me berê jî gotibû, mehkûmkirina Kavala ya nerast bi rêzgirtina mafên mirovan û dewleta hiqûqê re li hev nake. Em careke din bang li Tirkiyeyê dikin ku li gorî biryarên Dadgeha Mafên Mirovan a Ewropayê tevbigere û Osman Kavala û hemû kesên din ên bi awayekî keyfî girtî serbest berde."

Alîkarê Berdevkê Wezareta Karên Derva ya Amerîkayê Vedant Patel eşkere kir, "Gelê Tirkiyeyê heq e ku ji mafên xwe yên mirovî û azadiyên bingehîn bê tirsa tolhildanê sûd werbigre."