Amerîkayê, sertê bikaranîna F-35an da ber wî welatî

PeyamaKurd- Di çapemeniya Îsraîlê de hat ragihandin ku Amerîkayê, qedexe danî ku ajovanên balafiran ên Îsraîlî yên xwedî hemwelatiya biyanî ne, F-35 bikar bînin. Hat diyarkirin ku sedema vê yekê jî tirsa ewlekariya agahî û derçûna teknolojiyê ye.

Li gorî nûçeyên hatin ragihandin, ji aliyê Wezareta Berevaniyê û rayedarên îstixbaratê yên Amerîkayê ve hat diyarkirin ku ji ber tirsa ewlehiya agahî û derçûna teknolojiyê, ajovanên balafiran ên Hêza Asîmanî yên Îsraîlê yên ku hemwelatiya wan biyanî ne, qedexe kir ku balafirên F-35 bikar bînin.

Her wiha hat destnîşankirin ku ev tevgera Amerîkayê, ji ber parastina berjewendiyên Amerîkayê û girîngiya zêde ya ku dide ewlehiya agahîyê ye.

Li ser mijara navborî, ji aliyê rayedarên Hikûmeta Îsraîlê ve heta niha daxuyaniyeke fermî nehatiye dayîn.