Lavrov: Wê rejîma Sûrî li Idlibê bi ser bikeve

PeyamaKurd – Wezîrê Derve yê Rûsyayê Sergey Lavrov bal kişand ser pêşveçûna rejîma Sûriyê li Idlibê û got, serkeftina rejîmê li Idlibê neçariyek e.

Lavrov li 56. Konferansa Ewlehiyê ya Munîhê derbarê Idlib a Sûriyê de daxuyanî dan û got, “Bi Tirkiyê re pêwendiyên me yên baş hene, lê ev nayê maneya ku em di her mijarê de hevnêrîn in. Ne mimkun e ti welatek di hemû mijaran de hevnêrîn be.”

Di berdewamê de jî Lavrov destnîşan kir ku dê rejîm li Idlibê bi ser bikeve û diyar kir, serkeftina Idlibê neçarîyek e ji bo rejîma Sûrî.

Wezîrê Rûsyayê herwiha derbarê zindîbûna DAIŞê de jî da xuyakirin, “Amerîkayê ragihand ku wan DAIŞ ji holê rakiriye, lê belê marê pirserî ji nû ve vegeriya.”