Li Ezazê êrîsa bombeyî: 9 mirî, gelek birîndar!

PeyamaKurd – Li navçeya Azezê ya Bakurê Sûriyeyê di encama teqîna bombeya ku di wesayîtekê de hatibû bicihkirin de 9 kesan jiyana xwe ji dest dan û 14 kes jî birîndar bûn.

Li Ezazê ya ku di bin kontrola Tirkiye û komên wê yên çekdar de ye, li hemberî Kilîsê bombeya ku di wesayîtekê de hatibû bicihkirin, teqiya.

Li gorî agahiyên destpêkê di êrîşê de 9 kes mirin û 14 kes jî birîndar bûn.

Piştî êrîşê li derdorê tedbîrên ewlehiyê hatin zêdekirin û birîndar rakirin Nexweşxaneya Azezê.

Hêzên ewlehiyê yên xwecihî li cihê bûyerê lêkolîn kirin û heta niha ti kesî berpirsyariya êrîşê negirtiye ser xwe.