Li Lubnanê di kampa Sûriyeyiyan de sewat derket

PeyamaKurd – Hat ragihandin ku li Lubnanê di kampa ku penaberên Sûriyê lê dimînin şewat derketiye û 93 kon bi temamî şewitîne. Di şewatê de heya niha kes nemiriye. Li gor ragihandina ajansa fermî ya Lubnanê NNA yê; li rojhilatê Lubnanê li devera Arselê 200 konên penaberên Sûriyê yên aîdê Umani Wefaq hene û nehat zanîn bê çima agir bi konan ketiye. Niha tesîsata avê û elektrîkê nema bi kar tê. Tîmên parastina sîvîl û yên îtfaiyê mudaxele bi agir kirine û vemirandine.

Li gor rêjeyên Neteweyên Yekgirtî; li Lubnanê 880 hezar penaberên ji Sûriyê hene. Lê hukumeta Lubnanê dibêje ku li dora 1,5 mîlyon penaberên Sûriyê li Lubnanê hene.