Temellî: Hilbijartina Stenbolê referandûma demokrasiyê ye

PeyamaKurd – Hevserokê Partiya Demokratîk a Gelan (HD) Sezaî Temellî di civîna partiya xwe de axivî û hilbijartinên şaredariya Stenbolê yên dubare ku 23yê Hezîranê encam didin nirxand.

‘WÊ DÎSA HDP JI SINDOQÊ DERKEVE’

Temellî got, “Yên ku meraqa dengên me dikin bila baş li sindoqên hilbijartina 23yê Hezîranê temaşe bikin. Dê ji wê sindoqê aştî derkeve, demokrasî derkeve û dîsa HDP derkeve.”

‘23YÊ HEZÎRANÊ REFERANDÛMA DEMOKRASIYÊ YE’ 

Hevserokê HDPê di berdewamê de bal kişand ser neyartiya deshilatdariya AKPê ya li dijî Kurdan û got, “Pêwîste em vê proseyê di çarçoveya tifaqa demokrasiyê de baş binirxînin. Ji ber wê jî hilbijartinên 23yê Hezîranê ji bo me referandûma demokrasiyê ye.”