Hesekê | Asayisê 44 kesên sûcên curbicur kiribûn desteser kir

PeyamaKurd - Fermandariya Giştî ya Hêzên Ewlekariya Hundirîn a Rojavayê Kurdistanê diyar kir, operasyona ewlehiyê li dijî kuştin, dizîn û şêlandina li Hesekê û gundewarê wê bi dawî bû.

Asayîşê da zanîn, 28ê vê mehê operasyona wan bi dawî bû û di encamê de, 44 kesên sûcên curbicur kiribûn, hatin desteserkirin. Hejmareke cûreyên çekên weke kalaşnîkov, teklûle û fîşengê wan hate hatin desteserkirin. Herwiha hejmareke telefon, cilên leşkerî yên di sûcdariyan de dihate bikaranîn hatin desteserkirin.

Asayîşê herî dawî destnîşan kir, ew ê kesên binçavkirî radestî dadgeh û aliyên pêwendîdar bikin û ji bo ewlehiya herêmê, dê her erka ku dikeve ser milên wan, pêk bînin.