Kabîneya nû ya Iraqê tê eskere kirin

PeyamaKurd – Hat ragihadin ku serokwezîrê ji bo hikûmeta nû ya Iraqê erkdarkirî Mihemed Tewfîq Elawî roja Yekşemê bi fermî kabîneya xwe ya nû bo hikûmeta Iraqê eşkere dike.

Li gorî ragihandina parlamentarê Iraqî Mihemed Xalidî, serokwezîrê nû yê Iraqê Mihemed Tewfîq Elawî endamên kabîneya xwe diyar kirine û dê roja 16ê mehê eşkere bike.

Xalidî daye zanîn, Elawî dê serkomar Berhem Salih û serokwezîrê niha Adil Ebdulmehdî agahdar bike û paşê jî ji bo pesendkirina kabîneya nû, navên endamên kabîneya xwe pêşkêşî parlementoya Iraqê bike.