Parêzgariya Hewlêrê êrîsa nijadperestî ya Mersînê sermezar kir û ji Tirkiyê cezakirina êrîskaran xwest

PeyamaKurd - Parêzgarê paytexta Herêma Kurdistanê Hewlêrê Omîd Xoşnav li ser êrîşa nijadperestî ya li bajarê Mersîn ê Tirkiyê dijî malbata Kurd daxwaza zelalkirinekê ji Konsulxaneya Giştî ya Tirkiyê ya Hewlêrê kir.

Parêzgariya Hewlêrê derbarê êrîşa ser malbateke Kurd a ji Hewlêrê daxuyaniyek belav kir û tê de daxwaz ji aliyên pêwendîdar ên Tirkiyê kir ku di zûtirîn demê de kesên êrîşkar bên girtin û cezayê xwe bibînin.

Parêzgarê Hewlêrê Omîd Xoşnaw di daxuyaniyê de ragihand ku wan pêwendî bi wê malbat û kesûkarên wê re kiriye û ew piştrast kirine ku ligel aliyên fermî li ser xetê be ji bo desteserkirina tawanbaran û cezakirina wan.

Parêzgarê Hewlêrê ji malbatê re tekez kir, “Hûn kesûkarên me ne û li her cihekê be em kiryarên bi vî rengî li hember hevbajariyên xwe qebûl nakin û bi tundî şermezar dikin.”

Xoşnav derbarê doza têkildarî bûyerê de jî p3ewendî bi Berpirsê Fermangeha Peywendiyên Derve ya Herêma Kurdistanê û Konsulê Giştî yê Tirkiyê yê li Hewlêrê kir û 3 daxwaz kirin:

• Di zûtirîn demê de lêkolîn derbarê vê bûyerê de bê kirin û bi rêya yasayî sedema vê êrîşa nemirovane ya ser wê malbatê bê yekalîkirin û êrîşkar û tawanbar bigihîjin cezayê tund ê yasayî.
• Parêzgarê Hewlêrê daxwaz ji Konsulxaneya Giştî ya Tirkiyê kir, bi fermî ji bo raya giştî zelalkirinekê bide û sedema lêdan û êrîşa li ser hevwelatiyên me li welatê wan zelal bike.
• Parêzgarê Hewlêrê tekez kir, bi her şêwe karên bi vî rengî di bin çi hincet û bîr û behaneyê de bin, ji aliyê me ve nayên qebûlkirin û karekî ne rast e û em bi tundtirîn şêwe şermezar dikin. Em qebûl jî nakin li ti derekê bêrêzî li hember hemwelatiyên me bê kirin.

Nijadperestên Tirk êrîşî malbateka Kurd a Hewlêrî kirin