Sûriye | Ehmed Sera pîleya 7 fermandarên cîhadî yên biyanî bilind kir

PeyamaKurd – Hate ragihandin ku bi biryara Wezareta Berevaniya Hikûmeta Demkî ya Sûriyê û îmzeya Serokê nû yê Sûriyê Ehmed Şera (Ebû Mihemed El Colanî), pileya leşkerî ya hinek fermandarên komên çekdar hate bilindkirin. Derket holê ku bi wê biryarê pileya leşkerî ya 7 cihadiyên biyanî hatiye bilindkirin û pileya lîwa û eqîd wergirtine.

Hêjayî gotinê ye, Ehmed Şer dema rûxandina rejîma berê ya Sûriyê di 8ê Kanûnê Fermandarê Giştî yê Operasyonên Leşkerî û serokê Heyet Tehrîr Şamê (HTŞ) bû, niha hem serokê Sûriyê hem jî Fermandarê Giştî yê Hêzên Çekdar ên Sûriye yê serdema veguhêz e.

Hate diyarkirin ku belgeyên bilindkirina fermandaran ji aliyê Şera ve hatiye îmze kirin.

Kesên biyanî û cîhadîyên nav HTŞ û komên girêdayî wê ku pileya wan hatiye bilindkirin wiha ne:

Ebdulrehman Husên Xetîb ê Filîstînî

Ebdulrehman Husên Xetîb pileya wî di artêşa nû ya Sûriyeyê de bûye lîwa ku nasnameya wî Urdinî ye û bi eslê xwe Filistînî ye. Ew ji sala 2013an ve li Sûriyeyê ye û Koleja Bijîşkî ya Zanîngeha Urdinê temam kiriye.

Fermana Ehmed Şera di çarçoveya pêvajoya pêşxistin û nûkirina artêşa Sûriyeyê û hêzên çekdar de hatiye derxistin û hejmara wê 8 e.

Di biryarê de hatiye gotin ku ev bilindkirinên pileyan ji bo berdewamiya ruhê pabendî û xwegorîkirinê ji bo xizmeta ol û niştimanê ye.

Di çarçoveya biryarê de, Murhef Ehmed Ebû Qesre û Elî Nûreddîn Nesan bûn lîwa û zêdetirî 42 efseran bûn eqîd.

Ebû Husên endamekî selefî yê cîhadî ye û nêzîkî Ebû Mihemed Colanî ye ku serokê Heyeta Tehrîr El Şamê ye û niha navê wî Ehmed Şera ye û serokatiya Sûriyê dike.

Xetîb di nava Tehrîr El Şamê de berpirsê çareserkirina nakokiyên di navbera komên çekdar de ye û niha endamê Konseya Leşkerî ya Heyeta Tehrîr El Şamê ye.

Ebû Mihemed ê Turkistanî

Ebdulezîz Dawûd Xudaberdî ku bi navê Ebû Mihemed Turkistanî tê naskirin, ji Turkistanê ye û bûye lîwa.

Muxtar Turkî ji Tirkiyê ye

Omer Mehmet Çîftçî ku bi navê Muxtar Turkî tê naskirin, ji Tirkiyeyê ye û bûye lîwa.

Ebdel Semrîz Bîşarî ji Albanyayê ye û bûye eqîd.

Mewlan Tîrson Ebdulsemed ji Tacîkistanê ye û bûye eqîd.

Ela Mihemed Ebdulbaqî ji Misirê ye û bûye eqîd.

Îbnîan Ehmed Herîrî ji Urdinê ye û bûye eqîd.